Panukala sa Work Incentive Transport Subsidy (WITS)

Ang paghiling para sa Panukala sa Work Incentive Transport Subsidy (WITS)  ay nabago mula noong buwan Enero 2013. Ang mga detalye ay ang mga sumusunod:

(1) Mas mataas na limitasyon sa kinikita at ari-arian (para sa mga detalye mangyaring sumangguni sa buong bersyon ng panukala)

(2) Mga pagpipilian na aplikasyon: alinman sa aplikasyon batay sa indibidwal o batay sa sambahayan

• Ang mga aplikante sa iisang sambahayan ay maaaring pumili upang:

(a) bawat aplikante ay indibidwal na tatasahin; o

(b) lahat ng mga aplikante ay sabay sa tatasahin bilang isang sambahayan.

• Ang mga aplikanteng nakakatugon sa limitasyon ng personal na kita at ari-arian para sa iisang-sambahayan at pati na rin ang sa iba pang naaangkop na pamantayan ay maaaring mag-aplay para sa  WITS sa indibidwal na batayan. Ang mga batay sa indibidwal  na aplikante ay

  pinakamaagang maaaring mag-aplay sa Hulyo 2013 para sa tulong na salapi mula Enero hanggang Hunyo 2013.

• Ang mga aplikante ay maaaring pumili sa pagitan ng indibidwal o sambahayang pagtatasa sa paunang aplikasyon o sa muling pag-aplay bawat anim hanggang 12 buwan.
• Pagsasaayos sa pagbabago: Para sa mga aplikante na karapat-dapat sa ilalim ng umiiral na aplikasyon batay sa sambahayan ngunit nais gumawa ng aplikasyon na batay sa indibidwal, maaari silang maging karapat-dapat para sa WITS sa aplikasyon na batay sa sambahayan ng mas mababa sa anim na buwan bago ang Enero 2013. Sa ilalim ng mga ganitong pangyayari, sila ay pinapayagang mag-aplay para sa tulong na salapi batay sa sambahayan upang

  masaklaw ang panahon bago ang kanilang unang aplikasyon batay sa indibidwal, kahit na kulang ito sa anim na buwan.

(3)  Ang Application form

• Ang Application Form na Pang-indibidwal ay makukuha mula Hunyo 2013. Ang mga aplikante batay sa sambahayan ay maaari patuloy na gamitin ang kasalukuyang Application Form na pang-sambahayan.

Para sa buong bersyon ng Panukala sa Work Incentive Transport Subsidy (WITS), mangyaring bisitahin ang: http://www.labour.gov.hk/eng/service/witss.htm

Sorry, this entry is only available in English.

Ang Programa sa Pagbabakuna para sa Swine Influenza

Mula sa panahon ng kasagsagan ng influenza, ang  Gobyerno ay magbibigay ng programa ng pagbabakuna para sa limang target na grupo. Lahat ng residente ng Hong Kong na kasama sa grupong ito ay maaaring mabigyan ng libreng bakuna sa mga pampublikong pagamutan, o sa mga pribadong doktor na nagpatala sa Human Swine Influenza Vaccination Subsidy Scheme (HSIVSS)  sa mas mababang halaga.  

Ang mga kasama sa target na grupo para sa pagbabakuna ng human swine influenza ay:

(a) Mga bata na may edad sa pagitan ng 6 na buwan at mababa sa 6 na taon     

(b) Mga matatanda na may edad 65 na taon o pataas

(c) Mga taong may malalang sakit at mga nagdadalang-tao

(d) Mga nagtatrabaho sa babuyan at katayan ng baboy

(e) Mga manggagawa ng healthcare

Sa ilalim ng Elderly Vaccination Subsidy Scheme (EVSS),  nagbigay ng $130 na subsidy ang gobyerno para sa mga matatanda na may edad 65 o pataas upang tumanggap ng pagbabakuna para sa panahunang influenza at $190 na subsidy para sila ay tumanggap ng pneumococcal na pagbabakuna sa mga nakatalang pribadong doktor sa ilalim ng EVSS.                                                                                                                                                                                                                                             

Bukod dito, ang mga batang may edad sa pagitan ng anim na buwan at mababa sa anim na taon na may residenteng estado sa Hong Kong ay may karapatang tumagggap ng subsidy mula sa gobyerno sa halagang $80 bawat dosis ng pagbabakuna para sa influenza na pinangangasiwaan ng mga pribadong doktor sa ilalim ng Childhood Influenza Vaccination Subsidy Scheme (CIVSS).

Enquiry Hotline:

Ang mga listahan ng mga doktor na nagpatala sa EVSS at CIVSS, address at telepono ng mga pagamutan ay maaaring makuha sa Centre for Health Protection (website: www.chp.gov.hk ).

Ang programang ito ay inilunsad ng Centre for Health Protection.

Babala tungkol sa mataas na antas ng mga kaso ng Scarlet Fever

Inanyayahan ng Sentro ng Pangangalaga sa Kalusugan (CHP) ng Kagawaran ng Kalusugan ang mga miyembro ng publiko na panatilihin ang pag-iingat laban sa Scarlet Fever habang ang bilang ng mga naiulat na kaso ay nananatiling mataas ang antas.

Sa ngayon, nagkaroon na ng anim na panimulang paglaganap sa taong 2011 na kinasasangkutan ng tatlong kindergarten/sentro ng pangangalaga sa mga bata, dalawang eskwelahang pang-primarya at isang pantahanang sentro ng pangangalaga para sa mga batang may espesyal na pangangailangan. Dalawampu’t-dalawang (22) mga tao ang apektado sa kabuuan.

Ang Scarlet Fever ay sanhi ng Group A Streptococcus bacteria at maaring malunasan gamit ang naaangkop na mga antibayotiko. Ang sakit na ito ay karaniwang nakakaapekto sa mga bata na mas mababa sa 10 taong gulang at nagpapakita bilang lagnat, namamagang lalamunan at pantal. Ang pantal ay lumilitaw sa katawan at leeg at kumakalat sa mga kamay at paa lalo na sa kili-kili, siko at singit. Ang sakit ay karaniwang banayad ngunit maaaring gawing kumplikado ng pagkasindak at mga sakit sa puso at bato. Ang Scarlet Fever ay maaaring kumalat alinman sa pamamagitan ng ruta ng respiratoryo o direktong kontak sa mga nalalinang likido mula sa panghinga. Ang mga taong pinaghihinalaang may Scarlet Fever ay dapat kumonsulta sa mga doktor.

Upang maiwasan ang impeksiyon, ang publiko ay pinapayuhan na:

• Panatilihin ang mainam na kalinisan sa katawan at kapaligiran;
• Panatilihing malinis at hugasang mabuti ang mga kamay;
• Hugasan ang mga kamay kapag ang mga ito ay nadumihan ng mga likido mula sa respiratoryo, hal. pagkatapos bumahin;
• Takpan ang ilong at bibig sa pag-bahin o pag-ubo at itapon ng maayos ang mga dumi mula sa ilong at bibig; at
• Panatilihing mainam ang bentilasyon.

Lunes, Hunyo 20, 2011 nailathala sa HKT 18:35

Pinagmulan :

Ang Sentro ng Pangangalaga sa Kalusugan (CHP) ng Kagawaran ng Kalusugan

www.chp.gov.hk/en/view_content/23359.htm

HUWAG IWANANG MAG-ISA SA BAHAY ANG INYONG MGA BATANG ANAK

Iniisip mo ba o ng iyong mga kaibigan na okey lang iwanang mag-isa sa bahay ang inyong (mga) batang anak ng dahil sa:

• Kailangan kong pumasok sa trababo at walang makakatulong sa pag-aalaga ng anak ko
• Lalabas lang ako sandali para bumili ng mga ilang bilihin
• Ang aking anak ay natutulog at hindi naman siya gigising habang ako ay nasa labas
• Nasubukan ko ng iwan siyang mag-isa noon at wala namang masamang nangyari
• Ang aking anak ay mabait at alam na niyang alagaan ang kanyang sarili

Ipinakita sa estatistika na may 993 na kaso ng pang-aabuso sa mga bata ang naiulat noong Enero hanggang Disyembre 2009 kung saan 102 sa mga kasong ito ay tungkol sa mga batang pinapabayaan o iniiwang walang nag-aalaga sa bahay. Ang pag-iiwan sa bahay ng walang nag-aalaga sa mga bata ay lubhang mapanganib. Maraming mga bata ang iniulat na nasaktan sa sunog, sa pagkahulog, o sa pagka-matay dahil sa aksidente dahil sa kakulangan sa kaalaman ng mga magulang o tagapangalaga.

Ayon sa Offence Against The Person Ordinance (Cap 212) seksyon 26, “Pagtataya o paglagay sa panganib sa buhay ng bata” at sa seksyon 27, “Pagtrato at Pagpapabaya ng mga Tagapangalaga ng mga bata”, ang pag-iwan sa mga bata na walang nag-aalaga sa bahay at ang pagpapabaya sa kapakanan ng mga bata ay mga uri ng pag-abuso sa bata. Ang mga magulang at tagapangalaga, nang dahil sa pagpapabaya sa pag-alaga ng mga bata, ay maaaring maharap sa pananagutang kriminal hanggang sa 10 taong pagkabilanggo.

Huwag ilagay sa panganib ang buhay ng inyong mga anak; huwag silang iwanan sa bahay na walang nag-aalaga.

Kung kayo ay nangangailangan ng mga serbisyo sa pag-aalaga ng bata, mangyaring makipag-ugnayan sa mga childcare center na tinutulungan sa pananalapi ng Social Welfare Department. Ang mga detalye ng impormasyon ay maaaring matagpuan sa http://www.swd.gov.hk/en/index/site_pubsvc/page_family/sub_listofserv/id_childcares/

Reference: http://www.swd.gov.hk/vs/english/stat.html

Mag-ingat sa Mapanlinlang na Trabaho!

Malaking Puhunan ? Malaking Kita

? Mag-ingat kapag ang isang kompanya ay nag-aalok sa iyo ng trabaho na may hindi pangkaraniwang komisyon.

? Mag-ingat kapag ang isang kompanya ay nag-aalok sa iyo ng trabaho ngunit pinapabili ka ng kanilang mga produkto/paninda sa malaking halaga .

? Mag-ingat kapag ang trabaho ay inaatasan kang magbayad ng malaking halaga para makasali sa scheme at magkakaron ng kita sa pamamagitan ng pagsapi ng iyong mga kaibigan, kamag-anak at iba pa bilang mga bagong miyembro.

? Mag-ingat kapag ang trabaho ay tungkol sa pahagdan (hierarchical) na paghahati ng komisyon.

Kapag naranasan mo ang alinman sa nasabing situwasyon, maaaring ikaw ay nalinlang ng pyramid selling.

Ang Pyramid selling ay isang madayang pangangalakal na ginagamit ng mga kompanya upang magkaroon ng malaking kita sa pamamaraang nabanggit sa itaas. Ini-report ng mga biktima ng pyramid selling na sila ay sapilitang hinikayat na humiram ng pera upang bumili ng mga produktong kagaya ng alak, mga gamit na pampaganda at pabango na nagkakahalaga ng mas mataas pa sa presyo sa merkado. Sinabihan ang mga biktima na sila ay kikita sa pamamagitan ng mga komisyon at magtatagumpay ang kanilang pagnenegosyo. Kinumbinsi rin sila na hikayatin ang kanilang mga kaibigan at kamag-anak na sumali sa kompanya upang kumita ng komisyon. Mayroong biktima na nasadlak lang sa utang na umabot sa HK$400,000.

Dapat ay huwag mong tanggapin ang iniaalok na trabaho kung nag-aalinlangan ka na isang bitag ito sa pyramid selling. Ikaw ay dapat na:

1. Maging maingat  kapag kinakailangan mong pumirma sa mga dokumentong nakasulat sa wikang hindi mo lubos na naiintindihanan.

2. Maging maingat kapag kinakailangan mong magbayad ng pera sa pagbili ng kanilang mga produkto o pagsali sa  kanilang scheme.

3. Maging maingat kapag ang trabaho ay maliit ang sahod o walang basic salary pero mataas ang komisyon.

4. Maging maingat kapag ang job interview sa kompanya ay nakatuon lamang sa paghikayat na bumili ka ng mga produkto o magbayad ka ng pera. Kung may nararamdaman kang kaduda-duda sa iyong trabaho, huwag mag-atubiling lisanin na ang lugar.

Ang mga sumusunod na  mga link sa Labour Department ay makakatulong na mapag-aralan mo ang iba pang mga kilalang-kilalang mga panlilinlang sa trabaho dito sa Hong Kong; palakasin ang iyong kasanayan sa paghahanap ng trabaho.

http://www.labour.gov.hk/eng/public/eip/BewareJobTrap.pdf

http://www.labour.gov.hk/eng/public/eip/JobHunting.pdf